ნედლეულის პირველადი დამუშავება და დაჭრა ხორციელდება თანამედროვე დანადგარების საშუალებით, რომლებიც სპეციალურად თერმული პარკების წარმოებისთვის არის განკუთვნილი. თერმული პარკები ისე ფორმირდება, რომ მაქსიმალურად მჭიდროდ მოერგოს პროდუქტს, დაიცვას გარე ზემოქმედებისგან და შეუნარჩუნოს სისუფთავე და უმაღლესი ხარისხი.

სპეციალურ დანადგარში ნედგლეულის გადამუშავების შედეგად ვაკუუმ პარკებს ვამზადებთ. ეს პარკები განსაკუთრებით ეფექტურია ისეთი საკვები პროდუქციის შესაფუთად - მაგალითად როგორიცაა, თხილეული. ვაკუუმ შეფუთვა იცავს პროდუქტს გარემო ზემოქმედებისგან, ახანგრძლივებს მის უსაფრთხოებას და ხანგრძლივი დროის განმავლობაში უნარჩუნებს ხარისხს.

სოსისის გარსაცმებზე საბეჭდად თანამედროვე დანადგარებს ვიყენებთ. ეს საშუალებას გვაძლევს მომხმარებლებს ინდივიდუალურად ბრენდირებული და ვიზუალურად გამორჩეული შეფუთვა შევთავაზოთ. ბეჭდვის მაღალი ხარისხი დადებითად აისახება ესთეტიკურ მხარეზე და ეფექტურად წარმოაჩენს პროდუქტს ბაზარზე.

მაღალი ხარისხის მისაღებად, ძეხვის და სოსისის გარსაცმები გოფრირების სპეციალურ პროცესს გადის, რომელიც თანამედროვე დანადგარების საშუალებით სრულდება. პროცესი ხელს უწყობს გარსაცმის გამძლეობის, ელასტიკურობის და ხარისხის შენარჩუნებას. ტექნოლოგია საშუალებას გვაძლევს უზრუნველვყოთ სხვადასხვა ზომის გარსაცმის გოფრირება და ამ გზით მაქსიმალურად დავაკმაყოფილოთ მომხმარებლის მოთხოვნები.

ექსტრუდერი წარმოების ერთ-ერთი ყველაზე მნიშვნელოვან დანადგარია. მასში სპეციალური გრანულები თავსდება, რომლებიც დამუშავების შედეგად პოლიეთილენის ფირად გარდაიქმნება. პროცესის ზუსტი კონტროლი უზრუნველყოფს ფირის სტაბილურ სისქეს, სიმტკიცეს და მაღალ ხარისხს. დანადგარი სხვადასხვა სისქის და დანიშნულების ფირების წარმოების შესაძლებლობას იძლევა და ხარისხის მკაცრი კონტროლის პირობებში მუშაობს.

ლამინირებისას პოლიეთილენის ფირი სპეციალურად მუშავდება, რაც საშუალებას გვაძლევს ვაწარმოოთ სხვადასხვა ზომის, სისქის ფირები ამათუიმ პროდუქტის შესაფუთად. მაგალითად: დანადგარებისთვის განკუთვნილი შესაფუთი ფირები, ვაკუუმ პარკები და სხვა.